IBISA SCHOOL SPORT ONLINE

PROCESO

●       Un siman prome cu e actividad cuminsa, IBiSA lo percura pa manda un video cu ta demostra e actividad y tambe splika con ta e forma corecto pa hasi’e.

●       Si tin cualkier pregunta tocante e actividad, e cabesante, docente di gym of docente di klas lo tuma contacto cu e coordinador di e sector.

●       Durante e dos simannan di e actividad tur mucha por participa serca nan docente di gym. E docent di gym por scoge pa hasi esaki como parti di su gym les, den pauze of despues di ora di scol.

●       Despues cu tur mucha haña un chens pa obtene un score, e docente di gym ta scoge e miho 3 di cada categoria y nan lo hasi e actividad un biaha mas pero e biaha aki lo graba un video di cada mucha siguiendo e instruccionnan cu a wordo menciona den e video di demostracion.

●       Docente di gym lo percura pa upload e video di e miho 3 nan di cada categoria riba YouTube of Google Drive. Esaki por wordo haci den un manera cu publico general no lo wak e.

●       E video di e miho 3 nan di cada categoria hunto cu nan score lo wordo registra riba Competition Corner. Ora di pone e score online, no lo uza number di e muchanan sino e nomber di e scol. y e mucha nan lo ta: studiante 1 , studiante 2 y studiante 3.

●       IBiSA na su turno lo ricibi e videonan aki y revisa nan pa wak si e score ta cuadra.

●       Na conclusion di Evento 1, 2 y 3 IBiSA lo saca un scol campeon y sub campeon pa tur categoria.

REGLANAN

●       Tur mucha lo participa den e categoria cu ta cuadra cu nan fecha di nacemento.

●       Categorianan A y B ta exclusivamente pa Basis Onderwijs

●       Categoria C y D ta pa Basis Onderwijs y Voortgezet Onderwijs

●       Categoria E ta exclusivamente pa Voortgezet Onderwijs.

●       Mucha muhe y mucha homber lo competi den categoria apart.

●       Competencia por tuma luga durante ora di gym, den pause of despues di ora di scol. Esaki ta keda pa cada docente dicidi kico ta miho pa e scol.

●       Video mester wordo filma manerca cu ta indica den e video di demonstracion pa preveni di haya min-punten.

●       Tur actividad lo tin un standard con pa haci’e. Si desvia di e standard, por core risico pa haña min-punten.

●       Durante e parti di hurado, e hurado lo tin ultimo palabra.

Den cada evento lo tin un procudera pa tie-break. Si na final di tur tres evento ainda tin un empate, nos lo sigi pa equipo cu mas prome luga, di dos luga y di tres luga.